الأربعاء، 13 يوليو 2011
احلـم على كيـفك
التـحقيـق
ﺍﻟﻠﻲ ﺯﻳﻚ ﻣﻦ ﺯﻣﺎﻥ ﻛﺎﻥ ﺍﺗﺴﺠﻦ..ﺍﺗﻌﺪﻡ..ﺟﻨﺐ ﻇﻠﻤﺔ ﻳﺘﺪﻓﻦ
ﺍﻓﺘﺢ ﺍﻟﻤﺤﻀر..ﺣﻂ ﺍﺳﻤﻪ ﻭﺍﻟﺴﻜﻦ
ﺗﻬﻤﺘﻪ..ﺳﺮﻗﺔ ﻭﻃﻦ ﺑﺎﻋﻪ ﻣﺎﺩﻓﻌﺶ ﺍﻟﺘﻤﻦ
ﺗﻬﻤﺘﻪ ﺳﺮﻗﺔ ﺯﻣﻦ ﻣﻦ ﺣﻴﺎﺗﻨﺎ ﻭﻋﻤﺮﻧﺎ
ﻟﻤﺎ ﺩﻣﺮ ﺣﻠﻤﻨﺎ..ﺧﻼ ﺃﺑﺴﻂ ﺣﻘﻨﺎ ﺷﻲﺀ ﻣﺤﺎﻝ
ﺗﻬﻤﺘﻪ..ﻗﺘﻞ ﺍﻟﺮﺟﺎﻝ ﺍﻟﻠﻲ ﻛﺎﻧﻮﺍ ﺑﻴﺤﻠﻤﻮﺍ ﻳﺒﻨﻮﺍ ﺍﻟﻮﻃﻦ
ﺳﻴﻦ ﺳﺆﺍﻝ..
ﻗﺪ ﺇﻳﻪ ﺍﻟﻠﻲ ﺃﻛﻠﺘﻪ ﺑﺎﻟﺤﺮﺍﻡ؟؟ﻭﺍﻟﻠﻲ ﻗﻠﺖ ﻋﻠﻴﻪ ﺣﻼﻝ؟؟
ﻭﺍﻟﻠﻲ ﻧﺎﻫﺒﻪ ﻣﻦ ﺟﻴﻮﺑﻨﺎ ﺑﺎﻟﺘﻼﻝ؟؟
ﻗﺪ ﺇﻳﻪ ﺍﻟﻠﻲ رميتهم ﺑﺎﻟﺮﺻﺎﺹ؟؟ﻭﺍﻟﻠﻲ ﺣﻠﻤﻮﺍ ﺑﺎﻟﺨﻼﺹ؟؟
ﻗﺪ ﺍﻳﻪ ﺍﻟﻠﻲ ﺭﻣﻴﺘﻬﻢ ﻑ ﺍﻟﺴﺠﻮﻥ؟؟
ﺃﻭ ﺭﻣﻴﺘﻬﻢ ﺑﺎﻟﺠﻨﻮﻥ؟؟
ﻭﺍﻟﻠﻲ ﺗﺒﻜﻴﻠﻪ ﺍﻟﻌﻴﻮﻥ ﻡ ﺍﻟﻌﺬﺍﺏ؟؟
ﺭﺩ ﺟﺎﻭﺏ ﺑﺎﻟﺤﻘﻴﻘﺔ...ﺃﺻﻞ ﺩه ﻳﻮﻡ ﺍﻟﺤﺴﺎﺏ
ﺟﻴﻢ ﺟﻮﺍﺏ..
ﻫﺶ..ﺇﺧﺮﺱ..ﺇﻭﻋﻰ ﺗﻬﻤﺲ..ﺇﻧﺖ ﻭﺍﺣﺪ ﻣﺘﻬﻢ
ﻭﺍﺣﻨﺎ ﺷﺎﻫﺪ..ﻭﺍﺣﻨﺎ ﻗﺎﺿﻲ..ﺷﻌﺐ ﺑﺈﻳﺪﻳﻚ ﺍﺗﻈﻠﻢ
ﺟﻴﻢ ﺟﻮﺍﺏ..
ﺟﻴﻢ ﺟﺮﺍﻳﻢ ﻓﻴﻨﺎ ﻭﺍﺣﻨﺎ ﺷﻌﺐ ﻳﺎﻣﺎ ﺷﺎﻑ ﻭﺩﺍﻕ
ﺟﻴﻢ ﺟﺮﺍﻳد ﻛﺎﺗﺒﺔ ﻋﻨﻚ ﻛﻞ ﺁﻳﺎﺕ ﺍﻟﻨﻔﺎﻕ
ﺟﻴﻢ ﺟﻨﺎﺯﺓ ﻋﺪﻝ ﻋﻤﺮﻩ ﺟﻮﺓ ﻋﻬﺪﻙ ﻳﻮﻡ ﻣﺎ ﻋﺎﺵ
ﺟﻴﻢ ﺟﻮﺍﺯﺓ ﻣﺎﻝ ﻭﺳﻠﻄﺔﺑﺲ ﻟﻴﻪ ﻣﺎﻋﺰﻣﺘﻨﺎﺵ
ﺟﻴﻢ ﺟﻨﻮﺩﻙ ﺳﺮﻗﻮﺍ ﺻﻮﺗﻨا ﺗﺤﺖ ﺭﺍﻳﺎﺕ ﺍﻟﻬﻼﻝ
ﺟﻴﻢ ﺟﺮﺍﺩﻙ ﻧﻬﺒﻮ ﻗﻮﺗﻨﺎ ﻗﻬﺮ ﻋدّﺍ ﺍﻻﺣﺘﻤﺎﻝ
ﺟﻴﻢ ﻑ ﺟﻮﻉ ﺭﺑﻴﺘﻪ ﻓﻴﻨﺎ ﻫﻤﻨﺎ ﺃﻛﻞ ﺍﻟﻌﻴﺎﻝ
ﺟﻴﻢ ﺟﺸﻊ ﺳﺎﻛﻦ ﻑ ﻗﻠﺒﻚ..ﺟﻴﻢ ﺟﺮﺍﺣﻨﺎ..ﺟﻴﻢ ﺟﻤﺎﻝ
ﻳﺎ ﺷﺎﻭﻳﺶ..
ﺣﻄﻪ ﻑ ﺍﻟﺤﺠﺰ ﺍﻟﻠﻲ ﻋﻨﺪﻙ ﺯﻳﻪ ﺯﻱ ﺍﻟﻤﺠﺮﻣﻴﻦ
ﺑﻴﻨﻨﺎ ﻳﻮﻡ ﻣﺶ ﺭﺍﺡ ﻳﻌﻴﺶ
ﻳﺎ ﺷﺎﻭﻳﺶ..
ﺣﻄﻪ ﻑ ﺍﻟﻀﻠﻤﺔ ﻟﻮﺣﺪﻩ ﺯﻱ ﻗﻠﺒﻪ ﻋﺘﻤﺔ ﻭﺍﻹﺣﺴﺎﺱ ﻣﻔﻴﺶ
ﻳﺎ ﺷﺎﻭﻳﺶ..
ﺍﻟﻨﺎﺱ ﺩﻱ ﻓﺎﺟﺮﺓ ﻓﺎﻛﺮﺓ ﻫﻴﻨﻮﺑﻬﺎ ﺍﻟﺨﻠﻮﺩ
ﺑﻌﺪ ﻣﺎ ﺗﺘﻢ ﺍﻟﻤﺤﺎﻛﻤﺔ ﻋﺪﻟﻨﺎ ﻻﺯﻡ ﻳﺴﻮﺩ
ﻳﻌﺮﻑ ﺍﻟﻜﻞ ﺍﻥ ﻣﻬﻤﺎ ﻛﻨﺖ مش ﻓﻮﻕ ﺍﻟﻘﺎﻧﻮﻥ
ﻭﺍﻥ ﻃﻮﻝ ﻣﺎ ﺍﻟﺸﻌﺐ ﻋﺎﻳﺶ ﺣﻘﻨﺎ ﻣﺶ ﺭﺍﺡ ﻳﻬﻮﻥ
ﻭﺍﻥ ﻋﻤﺮ ﺍﻟﺸﻌﺐ ﻃﺎﻳﻞ ﻃﻮﻝ ﻣﺎ ﺑﻴﻄﻮﻝ ﺍﻟﻮﺟﻮﺩ
ﻭﺍﻥ ﺣﻠﻢ ﺍﻟﺸﻌﺐ ﻃﺎﻳﺮ ﻑ ﺍﻟﺴﻤﺎ ﻋﺪﺍ ﺍﻟﺤﺪﻭﺩ
ﻋﻤﺮ ﻣﺎﺗﺼﺪﻩ ﺳﺪﻭﺩ
ﻳﺎ ﺷﺎﻭﻳﺶ..
ﻣﺎﺗﺴﻴﺒﻪ ﻳﺒﻜﻲ ﻉ ﺍﻟﻠﻲ ﺻﺎﺭ ﻣﻦ ﺗﺤﺖ ﺇﻳﺪﻩ
ﺳﻴﺒﻪ ﻳﺒﻜﻲ ﻳﻘﻮﻝ ﻳﺎ ﺭﻳﺘﻨﻲ ﻧﺪﻣﻪ ﻋﻤﺮﻩ ﻣﺎ ﺭﺍﺡ ﻳﻔﻴﺪﻩ
ﻧﺎﺳﻲ ﺍﻥ ﺍﻟﺸﻌﺐ ﻓﻮﻗﻪ ﻫﻮ ﺃﺻﻠﻪ ﻭﻫﻮ ﺳﻴﺪﻩ
ﻧﺎﺳﻲ ﺇﻥ ﺍﻟﺤﻖ ﺑﺎﻗﻲ ﻭﺍﻧﻪ ﻻﺯﻡ ﻳﻮﻡ ﻳﻌﻮﺩ...
ﻧﺎﺳﻲ ﺇﻥ ﺍﻟﺤﻖ ﺑﺎﻗﻲ ﻭﺍﻧﻪ ﻻﺯﻡ ﻳﻮﻡ ﻳﻌﻮﺩ...
-
الجمعة، 11 مارس 2011
من قـزم .. لـسنـووايت
الاثنين، 21 فبراير 2011
فارق عروشك
فارق عروشك واستعد لحكمنا
لا صوت يعلو اليوم عن أصواتنا
لا حكم إلا للشعوب وربها
ولست ربا أو إلها عندنا
إذ هان شعبك أن يموت فداءك
فيهون حكمك بعد تسعين سنة
قد هان شعبك أن ترى أشلاءه
قد كبر عندك أن تراه آمنا
أتبيد شعبا كي تظل بحكمه ؟؟
أتريق دمه حتى يفديك الدم ؟؟
خذ في اعتبارك جثة قد مزقت
لم يبق منها إلا وجها باسما
يامن جعلت الدين زيا كاذبا
أأمرت جندك أن يقاتل مسلما !!
وصلبت من ترك الإله الزائف
وقطعت أيدي الزاهدين عن الدنى
فارق عروشك لست منا أو لنا
لسنا عبادك ولن تصير وليا
أوهمتنا أنا بعير سيادتك
وركبتنا وظهورنا محنية
علمتنا أن الرئيس "مباركا"
و"معمرا" في حكمه و"عليا"
اكشف وجوه نفاقك المتعددة
أزل ستار الكذب فوق عيوننا
فرعون إن جزاءك قد سجل
بكل قصص الظالمين كتابا
قد قبح عملك والجزاء مقدر
والنار آخرتك وبئس مآبا
إنا نفيق اليوم من أكفاننا
لانخشى قتلا أو نخاف عذابا
ان كنت ترجو أن تظل القائد
أبد شعوبك وسر على أجسادنا
-
الثلاثاء، 8 فبراير 2011
فوق الراس - إهداء لشهداء الثورة
للدرجة دي ؟؟
إحنا حثالة ما بين الناس
كل اقوالنا ما ليها أساس ؟؟
لما نشيل فوق راسنا همومنا
يبقى جزاتنا قطع الراس ؟؟
واما ننادي لجل حقوقنا
ماينوبناش غير ضرب رصاص
للدرجة دي ارواحنا رخيصة
للدرجة دي إحنا رخاص ؟؟
لما مناضل ينطق كلمة
يكشف بيها حقوق، يتداس
واما الأمن بيقتل فينا
وسط عيون الناس، يتباس
لأ ويعبوا كلام مضروب
إن القتلة إيران وحماس
شفنا دمانا ف أرض بلدنا
فوق السنجة وفوق الفاس
شفنا يا ريس
شفنا عصابتك وانت يا ريس
فرعون يتحامى ف حراس
شعبك شاربك عاجنك خابزك
مهما تحطه ف الاقفاص
شيلنا الصورة وشفنا العورة
وحش ف صدره مفيش إحساس
مش راح ننسى حق الشهدا
مكتوب باحمر في الكراس
بكرة ارواحنا اشباح ف كابوسك
نار ما تلاقي منها خلاص
واللي يموت م الشهدا ف جنة
لبسه حرير، وعقود ألماس
إحنا بندعي عليك، وعليهم
قايمة صلاتنا والقداس
واللي يموت م الشهدا .. ماماتشي
جوة قلوبنا، وفوق الراس
-