الخميس، 16 أبريل، 2009

نـاجح مـنقول للـثانوية

-

نـاجح مـنقول للـثانوية

-

آه من خوفي اللي انا شايله
من أيامي السودا الجاية

و الرعب اللي ف قلبي بيطحن
و النار اللي بتحرق فيـّا

و الناس اللي بعيني شايفهم
بيكافحم كدة من غير نيـة

و اللي يا عيني بتطلع عينه
و يروح بعد الجهد ضحية

أيام زي ما فيها هعيش
عاشت أجيال من قبليا

عاشوا ف ظلم و حيرة وخوف
سهروا الليل بجراح و أسية

و دموعهم كانت علامتهم
و جتتهم صبحت مهرية

و يا ريت كان الهم بفايدة
و بعد الشدة هتبقى بهية

بعد ده كله انا هبقى طبيعي
و حياتي راح تمشي عادية !!

لا .. مش داخل حرب , لكني
نـاجح مـنقول للـثانوية
!!!!

-

هناك تعليق واحد:

  1. هههههههههههههه ، السنة خلصت بسرعة جداً ،،

    قصيدة رائعة يا أحمد .. بانتظار النجاح فى الثانوية العامة

    ردحذف