الخميس، 16 أبريل، 2009

عـلى الـمعبر

-

عـلى الـمعبر

-

أنا داخل و مصمم أدخل
و مش راجع مهما يكون

و ان عدت أسابيع و شهور
من غير ما ادخل صبري يدوم

و ان مرة تعبت و وقعت
هرجع تاني بسرعة أقوم

و ان ما حصلش اني ادخل اساعد
هفضل قاعد هنا مهموم

صوت الضرب يقطع قلبي
و الدخان و كإنه غيوم

صبحت أرض اخوانـّا ظلام
ظلم و خوف و أمان معدوم

علشان كدة لازم هستنى
لو هفضل عايش محروم

و المعبر لازم يتعدى
و أساعد وطني المغموم


-

ليست هناك تعليقات:

إرسال تعليق