الأربعاء، 13 يوليو 2011

احلـم على كيـفك

-

احلـم على كيـفك

-

طير ويا حلمك فوق
واحلم على كيفك
لو سبت يوم الحلم
الهم كان ضيفك
وان قلت بتخرف
أحلام بتتحرف
يمكن ف يوم تحصل
وتشوف تخاريفك

يا حلم بتخلي
شكل الحياة بساتين
خليتني اعيش عمري
نفس الحياة عيشتين
خليتني اطير وياك
وأروح هنا وهناك
عشت بخيالي معاك
وعشقت تأليفك

ارسم بحلمك أمل
جوة العيون صورة
وازاي تطول السما
بعزيمة مكسورة
دا اما انقطع دربك
والهم كان كاربك
واما الزمن حاربك
الحلم كان سيفك

اوعى تقول ماخلاص
والصورة تتمزع
الشمس مش بتغيب
لكن بتتوزع
قدف وشق بحور
بكرة عليك الدور
واوعى ف يوم الموج
يكسر مقاديفك

طير ويا حلمك فوق
واحلم على كيفك

-

التـحقيـق

-

التحقيق

-

ﺷﻴﻞ ﺇﻳﺪﻳﻚ ﻣﻦ ﺟﻴﻮﺑﻚ ﻭﺍﺗﻌﺪﻝ..ﺑﺼﻠﻲ ﻭﺍﻗﻒ ﻋﺪﻝ
ﺍﻟﻠﻲ ﺯﻳﻚ ﻣﻦ ﺯﻣﺎﻥ ﻛﺎﻥ ﺍﺗﺴﺠﻦ..ﺍﺗﻌﺪﻡ..ﺟﻨﺐ ﻇﻠﻤﺔ ﻳﺘﺪﻓﻦ
ﺍﻓﺘﺢ ﺍﻟﻤﺤﻀر..ﺣﻂ ﺍﺳﻤﻪ ﻭﺍﻟﺴﻜﻦ
ﺗﻬﻤﺘﻪ..ﺳﺮﻗﺔ ﻭﻃﻦ ﺑﺎﻋﻪ ﻣﺎﺩﻓﻌﺶ ﺍﻟﺘﻤﻦ
ﺗﻬﻤﺘﻪ ﺳﺮﻗﺔ ﺯﻣﻦ ﻣﻦ ﺣﻴﺎﺗﻨﺎ ﻭﻋﻤﺮﻧﺎ
ﻟﻤﺎ ﺩﻣﺮ ﺣﻠﻤﻨﺎ..ﺧﻼ ﺃﺑﺴﻂ ﺣﻘﻨﺎ ﺷﻲﺀ ﻣﺤﺎﻝ
ﺗﻬﻤﺘﻪ..ﻗﺘﻞ ﺍﻟﺮﺟﺎﻝ ﺍﻟﻠﻲ ﻛﺎﻧﻮﺍ ﺑﻴﺤﻠﻤﻮﺍ ﻳﺒﻨﻮﺍ ﺍﻟﻮﻃﻦ
ﺳﻴﻦ ﺳﺆﺍﻝ..
ﻗﺪ ﺇﻳﻪ ﺍﻟﻠﻲ ﺃﻛﻠﺘﻪ ﺑﺎﻟﺤﺮﺍﻡ؟؟ﻭﺍﻟﻠﻲ ﻗﻠﺖ ﻋﻠﻴﻪ ﺣﻼﻝ؟؟
ﻭﺍﻟﻠﻲ ﻧﺎﻫﺒﻪ ﻣﻦ ﺟﻴﻮﺑﻨﺎ ﺑﺎﻟﺘﻼﻝ؟؟
ﻗﺪ ﺇﻳﻪ ﺍﻟﻠﻲ رميتهم ﺑﺎﻟﺮﺻﺎﺹ؟؟ﻭﺍﻟﻠﻲ ﺣﻠﻤﻮﺍ ﺑﺎﻟﺨﻼﺹ؟؟
ﻗﺪ ﺍﻳﻪ ﺍﻟﻠﻲ ﺭﻣﻴﺘﻬﻢ ﻑ ﺍﻟﺴﺠﻮﻥ؟؟
ﺃﻭ ﺭﻣﻴﺘﻬﻢ ﺑﺎﻟﺠﻨﻮﻥ؟؟
ﻭﺍﻟﻠﻲ ﺗﺒﻜﻴﻠﻪ ﺍﻟﻌﻴﻮﻥ ﻡ ﺍﻟﻌﺬﺍﺏ؟؟
ﺭﺩ ﺟﺎﻭﺏ ﺑﺎﻟﺤﻘﻴﻘﺔ...ﺃﺻﻞ ﺩه ﻳﻮﻡ ﺍﻟﺤﺴﺎﺏ
ﺟﻴﻢ ﺟﻮﺍﺏ..
ﻫﺶ..ﺇﺧﺮﺱ..ﺇﻭﻋﻰ ﺗﻬﻤﺲ..ﺇﻧﺖ ﻭﺍﺣﺪ ﻣﺘﻬﻢ
ﻭﺍﺣﻨﺎ ﺷﺎﻫﺪ..ﻭﺍﺣﻨﺎ ﻗﺎﺿﻲ..ﺷﻌﺐ ﺑﺈﻳﺪﻳﻚ ﺍﺗﻈﻠﻢ
ﺟﻴﻢ ﺟﻮﺍﺏ..
ﺟﻴﻢ ﺟﺮﺍﻳﻢ ﻓﻴﻨﺎ ﻭﺍﺣﻨﺎ ﺷﻌﺐ ﻳﺎﻣﺎ ﺷﺎﻑ ﻭﺩﺍﻕ
ﺟﻴﻢ ﺟﺮﺍﻳد ﻛﺎﺗﺒﺔ ﻋﻨﻚ ﻛﻞ ﺁﻳﺎﺕ ﺍﻟﻨﻔﺎﻕ
ﺟﻴﻢ ﺟﻨﺎﺯﺓ ﻋﺪﻝ ﻋﻤﺮﻩ ﺟﻮﺓ ﻋﻬﺪﻙ ﻳﻮﻡ ﻣﺎ ﻋﺎﺵ
ﺟﻴﻢ ﺟﻮﺍﺯﺓ ﻣﺎﻝ ﻭﺳﻠﻄﺔﺑﺲ ﻟﻴﻪ ﻣﺎﻋﺰﻣﺘﻨﺎﺵ
ﺟﻴﻢ ﺟﻨﻮﺩﻙ ﺳﺮﻗﻮﺍ ﺻﻮﺗﻨا ﺗﺤﺖ ﺭﺍﻳﺎﺕ ﺍﻟﻬﻼﻝ
ﺟﻴﻢ ﺟﺮﺍﺩﻙ ﻧﻬﺒﻮ ﻗﻮﺗﻨﺎ ﻗﻬﺮ ﻋدّﺍ ﺍﻻﺣﺘﻤﺎﻝ
ﺟﻴﻢ ﻑ ﺟﻮﻉ ﺭﺑﻴﺘﻪ ﻓﻴﻨﺎ ﻫﻤﻨﺎ ﺃﻛﻞ ﺍﻟﻌﻴﺎﻝ
ﺟﻴﻢ ﺟﺸﻊ ﺳﺎﻛﻦ ﻑ ﻗﻠﺒﻚ..ﺟﻴﻢ ﺟﺮﺍﺣﻨﺎ..ﺟﻴﻢ ﺟﻤﺎﻝ
ﻳﺎ ﺷﺎﻭﻳﺶ..
ﺣﻄﻪ ﻑ ﺍﻟﺤﺠﺰ ﺍﻟﻠﻲ ﻋﻨﺪﻙ ﺯﻳﻪ ﺯﻱ ﺍﻟﻤﺠﺮﻣﻴﻦ
ﺑﻴﻨﻨﺎ ﻳﻮﻡ ﻣﺶ ﺭﺍﺡ ﻳﻌﻴﺶ
ﻳﺎ ﺷﺎﻭﻳﺶ..
ﺣﻄﻪ ﻑ ﺍﻟﻀﻠﻤﺔ ﻟﻮﺣﺪﻩ ﺯﻱ ﻗﻠﺒﻪ ﻋﺘﻤﺔ ﻭﺍﻹﺣﺴﺎﺱ ﻣﻔﻴﺶ
ﻳﺎ ﺷﺎﻭﻳﺶ..
ﺍﻟﻨﺎﺱ ﺩﻱ ﻓﺎﺟﺮﺓ ﻓﺎﻛﺮﺓ ﻫﻴﻨﻮﺑﻬﺎ ﺍﻟﺨﻠﻮﺩ
ﺑﻌﺪ ﻣﺎ ﺗﺘﻢ ﺍﻟﻤﺤﺎﻛﻤﺔ ﻋﺪﻟﻨﺎ ﻻﺯﻡ ﻳﺴﻮﺩ
ﻳﻌﺮﻑ ﺍﻟﻜﻞ ﺍﻥ ﻣﻬﻤﺎ ﻛﻨﺖ مش ﻓﻮﻕ ﺍﻟﻘﺎﻧﻮﻥ
ﻭﺍﻥ ﻃﻮﻝ ﻣﺎ ﺍﻟﺸﻌﺐ ﻋﺎﻳﺶ ﺣﻘﻨﺎ ﻣﺶ ﺭﺍﺡ ﻳﻬﻮﻥ
ﻭﺍﻥ ﻋﻤﺮ ﺍﻟﺸﻌﺐ ﻃﺎﻳﻞ ﻃﻮﻝ ﻣﺎ ﺑﻴﻄﻮﻝ ﺍﻟﻮﺟﻮﺩ
ﻭﺍﻥ ﺣﻠﻢ ﺍﻟﺸﻌﺐ ﻃﺎﻳﺮ ﻑ ﺍﻟﺴﻤﺎ ﻋﺪﺍ ﺍﻟﺤﺪﻭﺩ
ﻋﻤﺮ ﻣﺎﺗﺼﺪﻩ ﺳﺪﻭﺩ
ﻳﺎ ﺷﺎﻭﻳﺶ..
ﻣﺎﺗﺴﻴﺒﻪ ﻳﺒﻜﻲ ﻉ ﺍﻟﻠﻲ ﺻﺎﺭ ﻣﻦ ﺗﺤﺖ ﺇﻳﺪﻩ
ﺳﻴﺒﻪ ﻳﺒﻜﻲ ﻳﻘﻮﻝ ﻳﺎ ﺭﻳﺘﻨﻲ ﻧﺪﻣﻪ ﻋﻤﺮﻩ ﻣﺎ ﺭﺍﺡ ﻳﻔﻴﺪﻩ
ﻧﺎﺳﻲ ﺍﻥ ﺍﻟﺸﻌﺐ ﻓﻮﻗﻪ ﻫﻮ ﺃﺻﻠﻪ ﻭﻫﻮ ﺳﻴﺪﻩ
ﻧﺎﺳﻲ ﺇﻥ ﺍﻟﺤﻖ ﺑﺎﻗﻲ ﻭﺍﻧﻪ ﻻﺯﻡ ﻳﻮﻡ ﻳﻌﻮﺩ...
ﻧﺎﺳﻲ ﺇﻥ ﺍﻟﺤﻖ ﺑﺎﻗﻲ ﻭﺍﻧﻪ ﻻﺯﻡ ﻳﻮﻡ ﻳﻌﻮﺩ...

-